Հաշվիչ
Հաշվարկեք Ձեր զուտ աշխատավարձի և գրանցման ենթակա աշխատավարձի չափերը
Աշխատավարձի հաշվիչը հնարավորություն է տալիս պարզ և մատչելի կերպով հաշվարկել աշխատավարձի չափը, հարկերը և այլ վճարների չափերը։
Հաշվիչի միջոցով կարելի է հաշվարկել և՛ մաքուր աշխատավարձը (հարկերից հետո)՝ նշելով գրանցված աշխատավարձի չափը, և՛ գրանցված աշխատավարձը (մինչ հարկումը)՝ նշելով մաքուր աշխատավարձը։
Եկամտային հարկի, Կուտակային կենսաթոշակային համակարգի սոցիալական վճարի, Զինծառայողների աջակցության հիմնադրամի դրոշմանիշային վճարի մասին տեղեկատվությունը տրվում է ինչպես թվային, այնպես էլ տեքստային տարբերակով, ինչը ֆինանսների բնագավառից հեռու օգտատերերի համար ավելի հասկանալի է։
Եկամտային Հարկ
2022թ.-ի հունվարի 1-ից եկամտային հարկի դրույքաչափը կազմում է 21%։ 2021թ.-ին դրույքաչափը 22% էր, իսկ 2020թ.-ին՝ 23%, տեղի էր ունեցել համահարթեցում։
2023թ.-ի հունվարի 1-ից եկամտային հարկի դրույքաչափը կկազմի 20%։
Պարտադիր Կուտակային Կենսաթոշակային Համակարգ
Պարտադիր մասնակցույթուն – Կուտակային կենսաթոշակային համակարգի մասնակից` ծնված 1974թ և դրանից հետո:
Կամավոր մասնակցություն – Մինչ 1974թ. ծնվածները, ինչպես նաև ինքնազբաղված անձիք` անկախ տարիքից:
2022թ. հունվարի 1-ից դեկտեմբերի 31 գործում են հետևյալ կարգավորումները
Պարտադիր մասնակիցների համար հաշվարկը հետևյալն է. պարտադիր կուտակային վճարի չափը կազմում է անձի բազային եկամտի 10%-ը: Եթե բազային եկամուտը 500,000 դրամից պակաս է, ապա 4.5% վճարվում է անձի, իսկ մյուս 5.5%-ը պետության կողմից: Եթե բազային եկամուտը գերազանցում է 500,000 դրամը, սակայն պակաս է նվազագույն (68000 դրամ) աշխատավարձի 15-ապատկից՝ 1,020,000 դրամ, ապա պետության կողմից վճարվում է 27,500 դրամ, իսկ մասնակցի կողմից բազային եկամտի 10%-27,500 դրամ։ Եթե բազային եկամուտը գերազանցում է 1,020,000 դրամը, ապա պետության կողմից վճարվում է 27,500 դրամ, իսկ անձի կողմից` 74,500 դրամ:
Կուտակային համակարգին մինչև 2018թ հուլիս ամիսը կամավոր միացած անձանց համար գործում են պարտադիր մասանկիցների համար նախատեսված պայմանները։ 2018թ.-ի հուլիսից համակարգին կամավոր միացած անձանց համար կուտակային վճարի չափը 5% է եթե բազային եկամուտը չի գերազանցում 1,020,000 դրամը և 51,000 դրամ՝ եթե գերազանցում է։
Ապագա փոփոխություններ
2023թ. հունվարի 1-ից կուտակային վճարը կկազմի՝ մինչև 500,000 դրամը ներառյալ՝ 5%, 500,000 դրամից մինչ 1,020,000 դրամ՝ 10% – 25,000 դրամի տարբերության չափով։ 1,020,000-ից ավել բազիսային եկամտի դեպքում վճարը կկազմի 77,000 դրամ։
ՀՀ օրենքը «կուտակային կենսաթոշակների մասին» 21.06.14 խմբ
ՀՀ օրենքը «կուտակային կենսաթոշակների մասին» ՀՀ օրենքում փոփոխություն կատարելու մասին 25.06.2019
ԶԱՀ Դրոշմանիշային վճարներ
2021թ. հունվարի 1-ից Զինծառայողների ապահովագրության հիմնադրամի դրոշմանիշային վճարները կատարվում են հետևյալ դրույքաչափերով.
Մինչև 100 000 դրամ հաշվարկման բազայի դեպքում՝ 1500 դրամ
100 001-ից մինչև 200 000 դրամ հաշվարկման բազայի դեպքում՝ 3000 դրամ
200 001-ից մինչև 500 000 դրամ հաշվարկման բազայի դեպքում՝ 5500 դրամ
500 001-ից մինչև 1 000 000 դրամ հաշվարկման բազայի դեպքում՝ 8500 դրամ
1 000 001 դրամ և ավելի հաշվարկման բազայի դեպքում՝ 15 000 դրամ